ISANG 16-anyos na estudyante ang sinaksak kapwa nito estudyante na nagkapikunan dahil sa kanilang kuwentuhan habang nag-iinuman sa Tanza, Cavite.
Isinugod sa ospital ang biktima na si alyas Reniel, ng Barangay Capipisa, Tanza, dahil sa tama ng saksak sa likod.
Hawak ng mga awtoridad ang supsek na si Carl, 18, isa ring estudyante, ng ng Blk. 9 Lot 22 Saint Agustin Village Barangay Daang Amaya, Tanza.
Sa ulat, ng-iinuman ang biktima at suspek kasama ang ilang kaibigan sa Brgy Calibuyo, Tanza, subalit pagsapit ng alas-12:10 ng hatinggabi na dahil sa dami ng nainum ay nagsanga-sanga ang kanilang mga kuwentuhan hanggang sa hindi na nagkainitindihan ang dalawa na umabot sa mainitang pagtatalo.
Napikon ang suspek at naglabas ng patalim at sinaksak sa likod ang biktima.
Mabilis na isinugod sa ospital ang biktima kung saan kasalukuyang ginagamot habang ang suspek ay naaresto sa isinagawang follow up operation ng mga barangay tanod sa lugar. GENE ADSUARA