NAGPAKARGA muna ng gasolina ang tatlong lalaki na magkaangkas sa isang motorsiklo saka nagdeklara ng holdap sa gasolinahan sa Dasmarinas City, Cavite.
Sa ulat, bandang alas-10:22 ng umaga naganap ang insidente sa Phoenix Gasoline Station na matatagpuan sa Lot 2 & 3, The Orchard, Brgy Salitran 4, Dasmarinas City.
Bumaba ang dalawang sakay na kunwari ay iihi subalit dumiretso sa opisina ng gasolinahan saka nagdeklara ng holdap at tinangay ang hindi pa batid na halaga na kita at isang Redmi 9C na cellphone.
Matapos ang panghoholdap ay sumakay ang dalawa sa motorsiklo at pinasibad sa direksiyon ng Abad santos Avenue.
Nagsagawa ang pulisya ng backtracking sa Closed Circuit Television (CCTV) sa dinaanan ng mga suspek at posibleng pagkakakilanlan ng mga ito. GENE ADSUARA