ARESTADO sa entrapment operation ang tatlong indibidwal na miyembro ng Lipat-Karga Trucking makaraang nabuking ang kanilang modus operandi sa Gen Trias City, Cavite.
Hawak ng mga awtoridad ang mga suspek na sina alyas Noel, Ariel at Jemer habang pinaghahanap ang lima pa nilang kasamahn na nakatakas dahil sa reklamo ng FAST Logistics.
Una rito ay nagtungo sa Tanza ang FAST Logistic Group at mga operatiba ng Carmona Component City Police Satation, Police Intelligence Unit at Cavite Police Provincial Office (PPO) sakay ang dalawang pulis sa truck ng FAST Logistics na nagpanggap na driver at helper at nagkarga ng food products na nagkakahalaga ng P900,000.00.
Isang alyas Bong ang leader ng grupo ang kumontak sa driver ng truck at nag-alok ng halagang P100,000,00 kapalit ng nasabing mga produkto na idi-deliver sa Puregold, Tanza.
Sa tulong nina Mike at dalawa pa nilang kasamahan ay nailipat ang nasabing mga produkto sa WEICHAI closed van na may conduction sticker na QR457A bandang alas-3:50 ng hapon sa Brgy De Ocampo, Trece Martires City.
Dito na nagbigay ng signal ang mga awtoridad na nagresulta sa pagkakaaresto nina Noel, 45; Ariel, 31 at Jemer, 33, habang nakatakas naman sina alyas Bong, Mike at tatlo pa nilang kasamahan. GENE ADSUARA