PATAY ang 73-anyos na lola makaraang nabangga ng E-bike habang tumatawid sa Imus City, Cavite Lunes ng gabi.
Isinugod pa sa South Imus Specialist Hospital ang biktimang si Corazon Santera Binato, may-asawa, ng #029 Pag-Asa 3 Imus City, subalit idineklarang dead on arrival.
Kinilala naman ang driver ng E-bike na si Liza Lhey Catibayan Julian, 25, ng Pag-asa 2 Imus City.
Sa ulat, dakong alas-6:50 ng gabi naganap ang insidente kung saan minamaneho ni Julian ang E-bike sa kahabaan ng Pag-asa 3 Road, Imus City patungo sa direksyon ng Centenial Road.
Aksidenteng nabangga nito ang biktima habang papatawid sa Pag-asa 3 Road.
Nadala pa ang biktima sa ospital subalit hinihinalang dahil sa kanyang edad kaya hindi na kinaya ang malalang sugat sa ulo at katawan. GENE ADSUARA