HINDI naman kaila na napakaraming isyu na bumabalot ngayon sa ating bansa.
Mahahalagang paksa na dapat ay mailahad ang mga impormasyon na wasto sa kaalaman ng taumbayan.
Masaklap nga lamang ay nakakalito sa pananaw dahil sa pagsulpot ng ilan na magkakasalungat ang paglalahad.
Daming ‘magagaling’ batay sa sinasabi ng mga nasa paligid na humahantong sa kalituan ng maraming Juan dela Cruz partikular ang mga mangmang.
Hindi na maiaalis iyan dahil kahit sa karaniwang trabaho, samahan, at kahit barkadahan ay mayroong ‘magagaling’ na lumulutang.
‘Bida-bida’ kumbaga na kahit hindi lubusang pinag-aaralan o pinag-iisipan ang mga sinasabi ay sige lamang kahit nasa baluktot.
Alisto at ingat na lamang tayo sa mga feeling magaling at nagbibida-bidahan.