DALAWANG dating pulis ang itinuturong may kaugnayan sa pagpatay sa beauty pageant contestant na si Geneva Lopez at nobyo nitong si Yitshak Cohen.
Sa kabila na hindi na mga pulis ang dalawa dahil matagal na silang sinibak sa serbisyo ay mayroong pahayag ang Department of the Interior and Local Government.
Dapat ay ganap na mawalis ang mga nagsisilbing anay sa hanay ng Philippine National Police.
Pursigido ang DILG na linisin ang mga anay sa PNP para matanggal ang mga itinuturing na police scalawag.
Ang mga anay na ito ng PNP ang sumisira sa imahe ng ating Pambansang Pulisya.
Naniniwala ang pamunuan ng DILG na magkakaroon ng katuparan ang kanilang minimithi.
Harinawa! Para naman sa ikabubuti ng buong puwersa ng PNP.