TADTAD ng saksak sa likuran ang 19-anyos na dalaga na natagpuan sa gilid ng kalsada sa Tanza, Cavite Lunes ng madaling araw.
Isinugod pa sa Gen. Emilio Aguinaldo Memorial Hospital ang biktima na si alyas Christel, ng Brgy Daang Amaya 3, Tanza.
Nagsagawa naman ng manhunt operation ang mga awtoridad na nagresulta sa pagkakaaresto kay alyas Jules, 32, binata, ng Brgy Sanja Mayor, Tanza.
Sa ulat, bandang alas-2:00 ng madaling araw ay nakatanggap ng tawag ang Tanza Municipal Police Station hinggil sa babaing natagpuan na nakadapa at duguan sa gilid ng kalsada sa Tanza-Trece Martirez Road, Brgy Sanja Mayor.
Sinasabing may nakita pang buhay sa biktima ng mga rumesodeng MDRRMO kaya isinugod sa ospital subalit idineklarang dead on arrival.
Naaresto naman ang suspek at narekober sa kanya ang kutsilyong ginamit sa pagpatay habang inaalam pa kung ano ang motibo nito sa krimen. GENE ADSUARA