ISANG sunog ang sumiklab sa loob ng private subdivision sa Muntinlupa City kamakailan.
Ayon sa ulat, isang apartment lamang na mayroong tatlong palapag at matatagpuan sa St. Mary St., Phase 2, Sto. Niño Village ang apektado ng sunog.
Nabatid na mula sa 2nd floor ng apartment ang umano’y pinagmulan ng apoy.
Sumiklab umano ang sunog dakong alas-10 ng umaga at itinaas ang unang alarma dakong alas-10:02 at bandang alas-10:21 ng umaga bago naapula ang apoy.
Tinatayang aabot sa P800,000 ang halaga ng mga ari-arian natupok ng sunog.
Ang naturang sunog ay inimbestigahan ng city fire station. RUBEN LACSA