SWAK sa kulungan ang tumangay ng motorsiklo at tatlong lalaking pinagbentahan sa Bacoor City, Cavite.
Nasa kustodiya ng Bacoor Component City Police ang mga suspek na sina alyas Jarwin, John, Alvin at Carlo dahil sa reklamo ng may-ari ng motorsiko na si Sonny Boy Andrade.
Sa ulat, ipinarada ng biktima ang kanyang motorsiklo na Honda Wave 125 sa Casimiro West Bay Homes Brgy Ligas 2, Bacoor City at tinangay ni Jarwin.
Ibinenta naman ni Jarwin ang motorsiklo kina John ,Alwin at Carlo.
Himingi ng tulong ang biktima sa kanilang barangay kung saan pinanood ang footage ng Closed Circuit Television (CCTV) at namukhaan si Jarwin na nagresulta sa kanyang pagkakaaresto saka ininguso naman ang tatlo na pinagbentahan niya ng motorsiklo ng biktima.
Naaresto ang tatlo pang susppek pero hindi na narekober ang tinangay na motorsiklo. GENE ADSUARA