NATUNTON na nagtatago sa madilim na bahagi ng highway ang 16-anyos na menor de edad na pumasok sa isang bahay at nagtangkang magnakaw sa Tagaytay City.
Nasa kustodiya ng City Social Welfare and Development (CSWD) ang suspek at sasampahan ng kasong attempted theft at paglabag sa RA10591 0 Comprehensive Law of Firearms and Ammunition.
Ayon sa salaysay ng ginang, magpapakain sana siya ng alagang aso bandang alas-7:00 ng gabi at napansin na tila may tao sa kuwarto ng kanyang anak kaya ipinagbigay alam sa mister nito.
Pinuntahan ng mister at naaktuhan ang suspek na naghahalughog ng gamit kaya kinuwelyuhan ito.
Pumalag ang suspek kaya nagpambuno at nagpagulung-gulong hanggang sa kinuha ang isang na nasa kanyang belt bag at inumang kaya nakalabas ito ng bahay.
Ipinagbigay alam ito sa pulisya kaya nagsagawa ng follow up operation kung saan natunton ang suspek sa madilim na bahagi ng Tagaytay-Nasubu Highway at narekober sa kanya ang isang kalibre 38 na baril at limang bala. GENE ADSUARA