TOPS USAPANG SPORTS – MANILA FINEST GOLF CUP TOURNAMENT
BAHAGYANG binigyan paliwanag ni P/Director General Pedro ‘Pete’ Bulaong (ret) adviser / chairman (NAMFRAI) Ang layunin ng gaganaping fundraising Golf tournament na Manila’s Finest Golf na nakatakdang ganapin sa darating na Disyembre 8, kung saan magiging binipisyo nito ay para sa modernong himlayan ng mga kapulisan sa North cemetary. Kasamang dumalo sa lingguhang Tabloids Organization in Philippine Sports TOPS Usapang Sports sina Bonifacio Aporo President, Daren Evangelista Tournament director, Julio Castelo V President, Eduardo Villanueva Adviser, Mario Magno Vice Admin, Alicia Santos Treasurer, Ofelia Torres Auditor, Lily Olayres Secretary, Jose Canares Vice operation at Katherine Solidad Secretary. (REY NILLAMA)
NAKATAKDANG isagawa ang Manila’s Finest Golf Cup sa darating na Disyembre 8 kung saan ay sanib puwersa ang Antigong Maynila, Inc. at New Manila’s Finest Retirees Association, Inc. (NMFRAI) para maisagawa ang Manila Finest Golf Cup isang fund-raising sports program na naglalayong maisaayos at maipagawa sa isang modernong himlayan ang Libingan ng mga Pulis Maynila sa North Cemetery.
Ayon kay P/Director General Pedro ‘Pete’ Bulaong (ret) na target ng program na makalikom ng P5 milyon bilang panimulang pondo upang maisayos ang tinaguriang Manila Police Plot at maipatayo ang modernong kolumbaryo at bone creep para sa mga namayapang pulis Maynila.
“Ang atin pong kapulisan ay nagsirbisyo para pangalagaan ang kapayapaan at seguridad ng ating mga kababayan, kaya naman po na marapat lamang na mabigyan natin sila ng isang honorable at disenteng libingan para sa kanilang himlayan. tulong po ninyo at ng mga kababayan nating nagnanais na makatulong ay isasagawa namin itong fund-raising program,” pahayag ni Bulaong sa Tabloids Organization in Philippine Sports, Inc. (TOPS) ‘Usapang Sports’ sa PSC Conference room.
Iginiit ni Bulaong na pansamantalang nakabinbin ang serbisyo ng Libingan ng mga Pulis dahil sa kakulangan ng sapat na espasyo at hindi na napapanahong sistema sa paglibing. Aniya, mas maraming pamilya ng kapulisan ang tiyak na makikinabang sa naturang himlayan na may sukat lamang na 890 metro sa sandalling maipatayo ang modernong kolumbaryo at bone creep.
“Kaya naman po kami ay nagpapasalamat kay Manila Mayor Honey Lacuna sa agaran niyang pagtugon sa aming kahilingan na maipaaayos ang Libingan ng mga Pulis Maynila, gayundin sa mga nilalapitan naming sponsors para sa Manila’s Finest Golf Cup na pagmumulan ng inisyal na pondo para sa naturang proyekto,” sambit ni Bulaong, chairman ng Antigong Manila Inc.
Kasama niyang bumisita sa programa ang iba pang opisyal na organizing committee tulad nina P/Maj. Bonifacio Aporo (ret), P/Col. Julius Castelo, P/Maj. Eduardo Villanueva (ret), P/Maj. Jose Canares (ret), P/Maj. Mario Magno, P/Maj/ Alicia Santos (ret), P/Maj. Ofelia Torres (ret), P/Maj. Lily Olayres (ret), Katherine Soledad at tournament director Darren Evangelista.
“Inspired by the leadership of the former Chiefs of Police notably Col. Eduardo Quintos, Col. Enrique Morales, BGen. Gerardo Tamayo, BGen. James Barbers, MGen, Alfredo Lim P/Dir. Hermogenes Ebdane, Jr., to name a few of giving importance to dedication, efficiency and integrity of the members of the Manila Police in crime fighting and preservation of peace they are called ‘Manila’s Finest’,” pahayag ni Aporo, pangulo ng Antigong Manila, Inc, at NMFRAI.
Ayon kay Evangelista, ang Manila’s Finest Golf Cup ay isasagawa sa Disyembre 8 sa Intramuros Golf Club at bukas para sa lahat nang nagnanais na makilahok, ngunit iginiit niyang mas mainamn na magpatala ng mas maaga para sa System 36 shotgun rules.
“Target namin 150 hanggang 170 players. Kung mapayagan tayo na maghapong magamit ang venue puwede tayong makapaglaro ng 200. Yung ticket price natin ay P3,500 inclusive na ang greefee, give away, food at p;rizes sa awarding. Yung caddies fee at golf cart and other sagot na ng players,” sambit ni Evangelista.
Iginiit naman ni Bulaong na bukod sa golf event, inilinya na rin ng grupo ang mga programa para sa susunod an taon kabilang ang isang konsyerto na pangangalagaan ni Col. Castelo, ama ng sikat na singer na si Anthony, gayundin ang fun run.
“Tulong-tulong po tayo para sa ating kapulisan. They deserved an honorable and decent final resting place,” aniya.