HALOS isang milyon halaga ng shabu at baril ang nasamsam matapos naaresto ang hinihinalang tulak na nasa listahan ng High Value Individual sa isinagawang buy bust operation sa Bacoor City, Cavite.
Nasa kustodiya ng pulisya ang suspek na si alyas Jortee.
Sa ulat, bandang alas-11:00 ng gabi ay nagsagawa ng buy bust operation ang mga operatiba ng Bacoor Component City Police Station Drug Enforcement Unit sa Brgy Talaba 2, na nagresulta sa pagkakaaresto sa suspek at narekober sa kanya ang tinatayang mahigit sa 145 gramo ng hinihinalang shabu na may street value na P986,000.00.
Bukod sa droga ay narekober din ang isang kalibre 38 na baril na may dalawang bala, isang gray pouch at buy bust money. GENE ADSUARA