PINAGTATAGA ang magkapatid na magsasaka ng kanilang kainuman makaraang hindi nagkainintindihan sa kuwentuhan sa Dasmarinas City, Cavite.
Ginamot sa Pagamutan ng Dasmarinas ang magkapatid na Rolando Repia, 55; at Jonas, 32, kapwa residente ng Sitio Malinta, Brgy Sampaloc 2, Dasmarinas City dahil sa tinamong sugat sa katawan.
Pinaghahanap ang suspek na si alyas Domingo, nasa wastong edad, ng Sitio Malinta, Bry Sampaloc 2, Dasmarinas City, dala ang itak na ginamit.
Sa ulat, bandang alas-7:00 ng gabi ay nagkayayaan ang tatlo na mag-inuman sa Barangay Sampaloc 2.
Nagsimula umano ang kuwentuhan sa sinapit ng kanilang pananim na sinalanta ng nagdaang bagyong Kristine.
Dahil nakarami na ang kanilang ininom ay kung saan-saan napunta ang usapan hanggang sa humantong sa mainitang pagtatalo.
Napikon ang suspek dahil pakiramdam nito ay tila pinagtutulungan siya ng magkapatid hanggang sa naglabas ng cleaver knife at pinagtataga ang dalawa.
Si Rolando ay tinaga sa noo habang sa kanang pisngi naman tinamaan si Jonas.
Nagsagawa ng dragnet operation sa suspek na tumakas matapos ang insidente. GENE ADSUARA