PAGMAMAY-ARI ng sundalo ang motorsiklo na tinangay ng hindi nakilalang suspek habang nakaparada sa kanilang garahe sa Magallanes, Cavite.
Personal na dumulog sa tanggapan ng Magallanes Municipal Police Station si Eldine Abiog y Quezon, 54, ng Brgy Kabulusan, Magallanes.
Sa salaysay ay ipinarada niya ang motorsiklong Yamaha Scooter Mio Sporty 100 na may plakang 7000PJ at pag-aari ng kanyang kapatid na si Neil Warren Abiog, miyembro ng Philippine Army sa garahe ng kanilang bahay sa naturang barangay bandang alas-11:30 ng gabi.
Paggising nila bandang alas-5:30 ng umaga nawawala na ang motorsiklo.
Pinanood ang ilang footage ng Closed Circuit Television (CCTV) sa lugar para sa pagkakakilanlan ng suspek at posibeng mga dinaanan nito. GENE ADSUARA