PATAY ang 29-anyos na binata habang ginagamot ang kasama nito makaraang pagsasaksakin habang naglalakad papauwi galing sa birthday party sa Dasmarinas City, Cavite.
Kapwa isinugod sa Pagamutan ng Dasmarnas City ang mga biktimang sina Frederick Encabo, ng Blk 11 Lot 40 Brgy Victoria Reyes, Dasmarinas City; at Melvin Gracila, 30, binata ng Blk 17 Lot 34 Brgy Victoria Reyes, subalit idineklarang dead on arrival ang una.
Inginusong suspek ang isang alyas Roel, ng Brgy Victoria Reyes, at isa pang hindi nakilala na tumakas matapos ang insidente.
Sa ulat, galing ang dalawa sa birthday party at naglalakad papauwi at pagsapit sa Block 64, ng naturang barangay, ay hinarang sila ng suspek at walang sabi-sabing isinagawa ang pananaksak bandang alas-2:00 ng hapon.
Inaalam ng mga awtoridad kung nakasama ng dalawa ang mga suspek sa nasabing birthday party at kung mayroong hindi pagkakaintindihan na naganap doon. (Gene Adsuara)