ITINURING na mapayapa ang ginanap kamakailan na peace rally ng mga kasapi ng Iglesia ni Cristo o INC sa iba’t ibang panig ng bansa partikular sa Maynila.
Tinawag na national peace rally kaya asahan na ito ay maayos at makabuluhan.
Mayroong kaakibat na dahilan ang INC sa pagsagawa ng naturang malawakang pagtitipon.
Hindi naman kaila na mayroon ding iba’t ibang reaksiyon o pananaw para sa iba.
Kung ano man ang mensahe o nais iparating ng INC sa kanilang peace rally ay nasa pang-unawa na iyon ng publiko.
Masasabing maganda ang ganitong uri ng malaking pagtitipon lalo at mapayapa naman para sa kahit ano mang uri ng relihiyon na posibleng makapagbukas sa positibong isipan ng bawat isa.