ISA na namang kaso ng insidente ng basag-kotse ang naitala makaraang muli itong umatake at binasag ang kanang salamin na bintana ng Ford Ranger Wild Truck at tinangay ang isang bag sa Gen Trias, Cavite.
Sa reklamo ng biktima na si Mariano Comia Alano, 59, ng Brgy Panngyan Mendez, ipinarada niya ang Ford Ranger Wild Truck sa parking area sa Catch and Bucket Restaurant sa Arnaldo Highway, Brgy San Franncisco , Gen Trias City, bandang alas-7:00 ng gabi at kumain sila ng kanyang kasama.
Subalit pagbalik ay nakitang basag na ang kanang salamin ng bintana ng kanyang sasakyan at nawawala rin ang bag ng kasama nito.
Hindi naman binanggit sa ulat kung ano ang laman ng bag ng kasama nito.
Sa datos, ito na ang pangsiyam na insidente sa lalawigan, dalawa ang kaso sa Gen Trias City, tatlo sa Dasmarinas City at tig-dalawa sa Imus City at Silang.
Patuloy ang isinagawang backtracking sa Closed-Circuit Television (CCTV) para sa pagkakakilanlan sa suspek. (Gene Adsuara)