BANGKAY na natagpuan ang 22-anyos na bebot sa kanal ng irigasyon matapos pagbabarilin ng umano’y manliligaw nito sa Gen Trias City, Cavite.
Ilang oras ng patay natagpuan ang bangkay ng biktima na si alyas Ness, may live-in partner, sa Bagong Silang Cyber Green Extension, Brgy Santiago, Gen Trias City dahil sa tama ng bala mula sa kanyang ‘manliligaw’ na si alyas Muslim ng nasabi rin barangay na kasalukuyang pinaghahanap ng pulisya.
Sa ulat, dinalaw ng suspek ang biktima sa bahay bandang ala-1:00 ng madaling araw subalit nakalipas ng ilang oras ay sunud-sunod na putok ng baril ang narinig bagama’t walang nagtangkang umusisia sa malalayong kapitbahay.
Bandang alas-7:00 ng umaga nadiskure ang bangkay ng biktima sa kanal ng irigasyon sa nasabing lugar.
Sa imbestigasyon ng pulisya, may kaugnayan umano sa droga at pakikipagrelasyon ang motibo sa pagpatay bagama’t hindi na idinetalye pa ang dahilan. (Gene Adsuara)