IPINAARESTO ni misis ang kanyang mister na correction officer makaraang nagpaputok ng baril sa kalagitnaan ng kanilang pagtatalo dahil sa selos sa Dasmarinas City , Cavite.
Nasa kustodiya ng Dasmarinas Component City Police Station ang suspek na si alyas Donil, Correction Officer 1 ng Bureau of Correction.
Sa ulat, nagkaroon na mainitang pagtatalo ang dalawa dahil sa pagseselos ng suspek sa kanyang asawa at sa galit ay nagbanta ito hangang sa sunud-sunod na nagpaputok ng baril sa kanilang bahay sa Phase 1 Parklane Country Home Brgy Santiago, Gen. Trias City, bandang alas 10:30 ng gabi.
Agad na humingi ng tulong ang ginang na nagresulta sa pagkakaaresto sa suspek at narekober ang isang Norinco kalibre 45 Pistol na pagmamay-ari ng Bureau of Correction na may dalawang magazine at pitong basyo ng kalibre 45.
Ang suspek ay isinailalim sa paraffin examination. (Gene Adsuara)