ISANG lalaki ang sumaksak sa 16-anyos na babaing estudyante na kinakadkad nito sa masukal na bahagi ng kalsada sa Gen Trias City, Cavite.
Ginamot sa Divine Grace Hospital ang biktima na si alyas Kristine, ng South Square Village, Brgy Pasong Kawayan Gen Trias dahil sa saksak sa katawan.
Inilarawan ang suspek na nakasuot ng green t-shirt at pulang short na tumakas sa direksiyon ng Gov Ferrer Drive, Gen Trias City.
Sa ulat, naglalakad papauwi ang biktima galing sa pagbili ng load sa 7 Eleven pero pagsapit sa kahaban ng South Square Village, Brgy Pasong Kawayan 2, Gen Trias City Cavite bandang alas-11:00 ng gabi ay nilapitan siya ng suspek at kinaladkad sa madamong bahagi sa gilid ng kalsada.
Pumalag at nagsisigaw ang biktima kaya nataranta ang suspek.
Sa pagkakataranta ay pinagsasaksak ang biktima saka tumakas ang suspek sa direksyon ng Gov. Ferrer Drive habang ilang concern citizen ang tumulong sa una at isinugod sa ospital. GEN ADSUARA