WALA ng buhay bago pa man nadala sa ospital ang driver ng sasakyan makaraang bumangga sa isa pang sasakyan sa kanyang unahan at bumulusok pa sa pader ng bahay sa tabi ng kalsada sa Tagaytay City.
Naisugod pa sa ospital ang biktima na si Romar Dolientte, nasa wastong edad, subalit hindi na umabot ng buhay dahil sa tinamong malalang sugat sa katawan.
Sa ulat, bandang alas-7:20 ng umaga naganap ang insidente kung saan kapwa binabagtas ng dalawang sasakyan ang kahabaan ng Aguinaldo Highway sakop ng Brgy Maitim 2nd East Tagaytay City patungong South direction.
Base sa footage sa Closed-Circuit Television (CCTV), nasa unahan ang minamanehong sasakyan ni alyas Rolando habang kasunod naman ang minamanehong sasakyan ng biktima na umano’y nabangga nito.
Dahil sa pangyayari ay dumiretso pa ang sasayan ng biktima at bumangga sa pader ng isang bahay sa tabi ng kalsada. GENE ADSUARA