MATAPOS nasunugan ay binaha naman ang halos 100 pamilya na nasa evacuation center sa Bacoor City, Cavite.
Kuwento ng isang residente, nabulabog sila bandnag ala-1:00 ng madaling araw dahil nagsimulang tumaas ang baha sa kanilang tinutuluyang evacuation center sa Brgy Talaba 3, Bacoor City, hanggang sa unti-unting itaob ang kanilang mga tent.
Ang mga Bakwit ay mga residente na nasunugan noong Agosto 7 mula sa Brgy Zapote 3, Bacoor City.
Inilipat na ang mga naapektuhang evacuees sa isa pang mas ligtas na evacuation site sa Brgy. Molino 1 kung saan sila mananatili hanggat wala pa umanong relocation site na naibibigay sa kanila ang lokal na pamahalaan. GENE ADSUARA