NAKILALA sa footage ng Closed Circuit Television (CCTV) ang lalaking tumangay sa mahahalagang gamit at mga tools sa sasakyan ng isang miembro ng Philippine National Police (PNP) sa Bacoor City, Cavite.
Personal na dumulog sa tanggapan ng Bacoor Component City Police Station (CPS) si Police Staff Sargent Jason Belaro Paet at inireklamo ang isang alyas Jason.
Sa ulat, dumating si Paet sa kanilang bahay sa 89 Talba St., Bacoor City, Cavite bandang alas-11:30 ng umaga galing sa kanyang duty.
Napansin nito na bukas ang kaliwang bahagi ng pintuan ng kanyang puti na Mitsubishi L300 Exceed FB Body Utility Vehicle, 2012 model na may engine no 4D56AAF5755, chassis no. PAEL65MYCBB004888.
Nawawala rin ang kanyang original copy ng Official Receipt/Certificate o Registration at iba’t ibang tools na nagkakahalaga ngP7,000.00.
Pinanood ang CCTV footage sa kanilang lugar at kinilala ng mga barangay tanod ang suspek na si alyas Richard at kasalukuyng pinaghahanap ng pulisya. GENE ADSUARA