HALOS P100K halaga ng cash at gadget ang binitbit ng hinihinalang akyat-bahay sa isang bahay sa loob ng subdibisyon sa Tagaytay City, Cavite.
Inilarawan ang suspek na nakasuot ng itim na long sleeve, itim na pantalon at naka-facemask.
Sa ulat, bandang alas-2:30 ng madaling araw ay pinasok ng suspek ang bahay ng biktima na si Maricel Bobadlla sa Magallanes Height sa Brgy Maitim 2nd West, Tagaytay City sa pamagitan ng sliding door na nakalimutan na i-lock.
Tinangay nito ang isang shoulderr bag ng biktima na naglalaman na P80,000.00 cash, isang Vivo cellphone na P6,000.00 at Realme Cellhone na nagkakahalga ng P10,000.00 o kabuuan na P95,000.00.
Tumakas umano ang suspek sa likurang bahagi ng subdibisyon.
Umaga na natuklasan ang ginawaang panloloob at nagsagawa ng backtracking ang pulisya para sa pagkakakilanlan ng suspek. (Gene Adsuara)