ISANG lalaki ang binaril sa harapan ng kanilang bahay sa Imus City, Cavite.
Ang biktima ay nakilalang si Luis Zaragoza y Grayda, ng 189 Brgy Palico 1, Imus City habang inaalam ang pagkakakilanlan ng suspek.
Sa ulat, bandang alas-8:00 ng umaga nakatanggap ng tawag ang mga opisyal ng Brgy Palico 1, Imus City hinggil sa narinig na putok ng baril sa bahay ng biktima.
Pagpunta ay nadatnan ang bktima na duguan na nakahandusay sa mismong harapaan ng pintuan ng bahay.
Sa imbestigasyon, nabatid na Linggo pa ng gabi umano naganap ang pamamaril at umaga na lamang ng Lunes naipaalam sa barangay.
Inaalam ang motibo sa pamamarail habang nagsasagawa ng backtracking ang pulisya sa Closed Circuit Television (CCTV) sa pagkakakilanlan ng suspek. GENE ADSUARA