SUGATAN ang 80-anyos na lolo makaraang hambalusin ng rolyo ng stretched film ng dati nitong empleyado matapos niyang tinangkang holdapin sa Tanza,, Cavite Miyerkules ng hapon.
Kinilala ang biktima na si Ponciano Marfil y Yson, negosyante, ng Brgy Tejero, Gen Trias City habang arestado suspek na si John Carlo Cenizal y Sugatan, 25, male, single, ng Brgy. San Juan 1 General Trias City.
Sa ulat, magsasara na sana ng kanyang shop ang biktima sa Brgy Poblacion, Tanza, dakong alas-5:30 ng hapon at lumapit ang suspek na nagdeklara ng holdap.
Tinangka ng suspek na agawin ang bag ng biktima subalit tumanggi ang huli kaya kumuha ng isang rolyo ng stretched film ang una at hinataw sa ulo at katawan ang matanda dahilan ng mga sugat sa katawan.
Kasama ang kanyang dalagang anak, nagsumbong ang biktima sa barangay tanod na nagresulta sa pagkakaaresto ng suspek sa kanilang bahay sa Gen Trias City.
Nabatid na ang suspek ay dating empleyado ng biktima. GENE ADSUARA