SWAK sa kulungan ang magdyowa na kapwa nasa listahan ng Street Level Individual (SLI) makaraang naaresto sa isinagawang buy bust operation at nasamsam ang mahigit P200K halaga ng shabu sa General Mariano Alvarez, Cavite.
Kinilala ang magdyowa na sina alyas Jay, ng Brgy Gregoria De Jesus; at alyas Vivian, ng Brgy Virata; kapwa sa GMA.
Sa ulat, bandang alas-8:20 ng gabi ay nagsagawa ng buy bust operation ang Station Drug Enforcement Team ng GMA Police Station sa Bgry F. De Castro, GMA na nagresulta sa pagkakaaresto sa dalawa.
Nasamsam sa kanila ang tinatayang mahigit sa 40 gramo ng hinihinalang shabu na may street value na P272,000.00, weighing scale, buy bust money at pouch. GENE ADSUARA
December 29, 2024