MAHIGIT sa P1-milyong halaga ng shabu ang nasabat ng pulisya sa ikinasang buy bust operation sa Sampaloc, Maynila kamakailan.
Ang operasyon ay isinagawa sa Paquita St. kanto ng A. Mendoza St., Brgy. 463 Zone 46, Sampaloc, ng mga operatiba ng Station Drug Enforcement Team ng Manila Police District-Barbosa PS14.
Pinangunahan ni PMaj. Salvador Iñigo, hepe ng SDET-PS14, ang nasabing operasyon.
Dito ay naaresto ang 28-anyos na suspek na kinilala sa alyas Bullet.
Nakumpiska kay Bullet ang nasa one hundred fifty grams ng hinihinalang shabu at nagkakahalaga ng P1,020,000.
Naharap sa kasong paglabag sa Sec. 5 (Selling of Dangerous Drug) at Sec. 11 (Illegal Possession of Dangerous Drug) si Bullet na nakapiit sa naturang himpilan ng pulisya. (Istorya at larawan ni Christian Heramis)