HINOLDAP ng dalawang lalaki ang may-ari ng motorcycle shop sa Imus City, Cavite.
Ang mga suspek ay kapwa armado ng hindi nabatid na kalibre ng baril at sakay ng puti na Nissan Urvan na may plakang ATA 6441 na ginamit na get-away vehicle.
Sa ulat, nagsasara na ang biktima na si Rolly Aguil, 28, binata, may-ari ng Motowoodz Motorcycle Shop sa Brgy Pasong Buaya 1, Imus City bandang alas-9:40 ng gabi,
Biglang lumitaw ang mga suspek na naglabas ng baril at nagdeklara ng holdap saka tinangay ang cellphone ng biktima at kita ng shop na nagkakahalaga ng P10,000.00.
Tumakas ang mga suspek gamit ang nabanggit na sasakyan.
Nagsagawa ng backtracking ang pulisya sa Closed Circuit Television (CCTV) para sa pagkakakilanlan sa mga suspek.
Sinusulat ito ay naaresto ang isa sa mga suspek na si alyas Jefferson, 38, tubong Gapan City, Nueva Ecija at residente ng Brgy Malagasang 1-G Imus City, at pinaghahanap si alyas Rogelio ng Brgy Molino 3, Bacoor City. GENE ADSUARA