HINDI na umabot pa ng buhay sa ospital ang lalaking tumatawid sa kalsada matapos nasagasaan ng babaing driver ng Toyota Fortuner sa Silang, Cavite.
Isinugod pa sa Carsigma Hospital ang biktima na si John Cyrus Catarungan y Pugoy subalit idineklarang dead on arrival dahil sa malalang sugat sa ulo at katawan.
Kinilala naman ang driver ng Toyota Fortuner na may plakang NHM 52433 na si alyas Nina.
Sa ulat, dakong alas-5:30 ng hapon naganap ang insidente kung saan binabagtas ng Toyota Fortuner ang kahabaan ng Barangay Road sa Brgy Acacia, Silang at naglalakad naman sa ang biktima na umano’y biglang tumakbo.
Tinangka ng driver na iwasan ang biktima subalit nahagip pa rin ito. (Gene Adsuara)