ISANG miyembro ng Philippine National-Police Special Action Force (PNP SAF) ang nasugatan makaraang nadulas ang minamanehong motorsiklo sa basang kalsada at nakaladkad sa Naic, Cavite.
Ginamot sa San Lorenzo Hospital ang biktimang si Police Corporal John Francis Custodia Francia, 29, binata, ng Pulo Dos, Sabang, dahil sa mga sugat sa katawan.
Sa ulat, minamaneho ng biktima ang kanyang puti na motorsiklo na Honda Click 125 na may plakang D654NF sa kahabaan ng Antero Soriano Highway Brgy Makina Naic, Cavite patungo sa direksyon ng San Roque, Naic.
Nadulas umano ito makaraang dumaan sa basang kalsada.
Bunsod nito ay nakaladkad siya sa motorisklo dahilan ng mga sugat sa katawan. GENE ADSUARA